كشف عمر كمال، مغني المهرجانات وصاحب اغنية بنت الجيران، في حوار تلفزيوني ولأول مرة عن تفاصيل طفولته وحياته معترفا أنه بدأ العمل في سن 13 سنة. وكشف عن ارتباطه بـ طليقة الفنان أحمد الفيشاوي، ندى الكامل، مؤكدا أنه عصي ربنا بهذه العلاقة وأنه هو الذي قرر الانفصال عنها وكشف عن السبب. إليكم ابرز تصريحات عمر كمال، خلال حواره مع الإعلامية المصرية أميرة بدر، في برنامج خلاصة الكلمة.
تابعوا جميع مسلسلات رمضان 2024 بجودة عالية في موقع فرفش بلس: مسلسلات رمضان 2024
تابعوا أكثر 10 مسلسلات مشاهدة في 2024 في موقع فرفش بلس هنا: أكثر 10 مسلسلات 2024 مشاهدة
اشتغلت في سن 13 سنة!
وقال عمر كمال خلال الحوار: "أشتغلت وأنا عندي 13 سنة بتاع شرايط دينية قرآن وأدعية، وكنت بنزل العتبة اشتري جملة وأركب القطر من السويس لغاية محطة عين شمس وأروح العتبة، وأبويا كان شيخ وعايز يحطني في شغلانة كويسة، وكنت ببيع الشريط بـ 2 جنيه".
عمر كمال: "أنا ماكنتش عارف أجر بدلة عشان اعرف اشتغل، وسعري 300 جنية بالفرح"
واستكمل: "وكنت ناصح جدًا وشاطر، وكنت بروح المنصورة للشيخ محمد حسان، وأسجل الخطبة بتاعته على الشريط وأروح لشركة الطباعة في العتبة وأطبع 1000 نسخة، وكنت بيبع الخطبة وهي لسة مش مع حد، كنت بفرش ملاية سرير ومقسم عليهم الشرايط".
وأضاف عمر كمال: "لم أكن قادرا ماديا على شراء بدلة في ذلك الوقت،، كنت بشتغل في أفراح أو عيد ميلاد يوم الخميس والجمعة، وسعري 400 جنيه أو 300 جنيه، وحرفيا مكانش معايا حق بدلة".
علاقتي بـ ندى الكامل لم تكن تجربة حلوة!
قال عمر كمال: "أنا مبحبش اتعرف بموضوع عاطفي أو شخصي، وزعلت لما علاقتي اتعرفت لأن مردودها عند الناس مكنش كويس ومش عارف الناس شافت الموضوع إزاي".
وتابع عمر كمال: "أنا في الفترة دي مكنتش متزن نفسيًا ومكنتش بنام غير بأدوية ومهدئات، وسلوكي مكنش مظبوط، والأدوية كانت مأثرة عليا لدرجة أن ممكن حد ياخد مني مبلغ وأنسى خالص، وكنت باخد الأدوية دي بدون علم وناس وصفتلي ودخلت في متاهة، والموضوع قلب معايا بهلوسة، ومرة مدير أعمالي راح جابني من على الدائري وأنا خابط العربية، وتاني يوم معرفتش أني عملت كده، والسنة والنص دي أثرت على شغلي".
عمر كمال عن علاقته بـ ندى الكامل: "كنت بهلوس ومكنتش فاتحة خير عليا"
وأضاف: "ممكن الغلط يكون من عندي لأني عملت في نفسي كده، هي مكانتش فاتحة خير عليا والمفروض الإنسانة اللي معايا لما تلاقيني بميل ناحية الغلط متميلش معايا لأ تعدلني، تجربة مكانتش حلوة عليا السلبي فيها أكتر من الإيجابي، وأنا اللي خدت قرار الانفصال لأني كنت بقع، أنا حبيتها أكيد ولكن التجربة ضرتني".
ظهور عمر كمال وندى الكامل طليقة أحمد الفيشاوي معا
واستكمل عمر كمال: "ربنا حبيبي، وفي كل موقف في حياتي كنت هقع فيه شالني، وربنا ده ممكن يكون علشان أمي أو إخواتي أو خير بعمله أو علشان براعي ربنا في فرقتي، أنا دايمًا بصحي نفسي ودايمًا عندي النفس اللوامة، وطول ما أنا بدخل ربنا في طرف الميزان همشي كويس".
وأردف: "ممكن أكون في علاقة وعصيت ربنا، فـ ربنا يديني قلم ويكسرني علشان يسمع صوتي، وأنا فوقت وحاولت ترجعني وأول ما أتأكدت أني مش راجع شوفت الوش التاني، وناس تانية ظهرت، طب ده أنا قرأت دراسة بتقول أن الشخص الطبيعي السوي العادي علشان يطلع من علاقة ويستشفى منها عايز 6 شهور، وبدأ ربنا يبينلي حكمته وأن قراري صح".
واختتم عمر كمال: "ده أنتي لو عندك جاكيت ولبستيه في مناسبة بيصعب عليكي تشحتيه، ولو عندي عربية بتصعب عليا وبحن لها، وتأكدت أن قراري كان صح وفوقت والدنيا بقت أحلى كتير".
تابعوا جميع مسلسلات رمضان 2024 بجودة عالية في موقع فرفش بلس: مسلسلات رمضان 2024
تابعوا أكثر 10 مسلسلات مشاهدة في 2024 في موقع فرفش بلس هنا: أكثر 10 مسلسلات 2024 مشاهدة
تعليقات الزوار | اضف تعليق
