وجه مغني المهرجانات حسن شاكوش، الشكر للنجوم الذين حضروا حفل زفافه، لكنه عاتب ولام كل من امتنع عن الحضور دون عذر مقنع، مشيرا إلى أنه وضعهم في "القائمة السوداء"، بحسب تعبيره. وقال شاكوش في فيديو "مباشر" عبر حسابه الرسمي في "إنستغرام": "حابب أشكر كل النجوم اللي جت لي الفرح وبشكر كل نجم شرفني في فرحي، وتامر حسني وجوده كبير وشرف ليا، وعلى المستوى الشخصي إحنا اخوات وأنا من معجبينه ومن جمهوره وده ما يقللش مني".
وأضاف شاكوش معددًا أسماء الحاضرين: "بشكر حمو بيكا وعمر كمال وبشكر أحمد بتشان وأحمد شيبة والمدرسة محمود الليثي ويارا محمد وحمادة مجدي وشريف المصري، ورامي صبري وجوده شرف ليا لأن حد كبير وبعشقه، ورضا البحراوي ده العشق، والنجم الكبير اللي اتربينا على أغانيه مصطفى قمر ومحمد نور والنجمة وفاء عامر وماجد المصري وعصام صاصا ورندا البحيري والنجم الكبير إيهاب توفيق اللي اتربينا على أغانيه، وحمو بيكا مش أخويا ده قلبي، ومحمد شاهين وحودة بندق ورنا رئيس النجمة الكبيرة".
حسن شاكوش يهدد من غاب عن زفافه من النجوم: "وضعتكم في القائمة السوداء!"
ووصف شاكوش الفنانة هنادي مهنا "بقمر السينما المقبلة" متمنيا أن يحفظها الله لعائلتها، ولم ينسَ الفنان أحمد عصام الذي أكد بأن اسمه "أكبر من النار على العلم". كما أكد شاكوش أنه يعذر بعض الفنانين الذين لم يحضروا حفل زفافه لمرورهم بظروف خاصة، ومنهم الفنان مصطفى كامل، نقيب المهن الموسيقية، قائلا: "ماجاش علشان دراعه مكسور وبقول له ألف سلامة عليك يا حبيبي".
كما عذر الفنان بهاء سلطان مشيرا إلى أنه كان في الكويت: "الراجل ليه عذره ونفسي كان يكون موجود بحبه جدا وطبعا". كما توجه بالشكر للفنانة وفاء عامر لحضورها حفل الزفاف، رغم إصابتها بالكسر في ذراعها، متمنيا لها الشفاء العاجل.
أول ظهور لـ حسن شاكوش وريم طارق.. العروس سجدت بفستان الفرح
رسالة لمن امتنع عن حضور الزفاف
وقال شاكوش لمن امتنع عن حضور زفافه: "أي حد ماجاش له عذره طالما عندك شغل مش هعلق ليك حبل المشنقة، إلا بقى لو حد فاضي ومجاش ده موضوع تاني". وأضاف: "إحنا في مركب واحدة واللي ما تحتاجش قفاه دلوقتي هتحتاج وشه بعدين، واللي مجاش حطيته في القايمة السودة، وأنا ماكنش ناقص لي حد وكفاية أن ماجد المصري ييجي ويقف على المسرح ومصر كلها تشوفه وهو من أنضف الشخصيات اللي عرفتها في حياتي".
وتابع شاكوش: "الناس اللي جتلي الفرح أنا مكتفي بيهم الواحد زعل واتصدم أن في ناس كانت قريبة ومجتش الفرح بس أنا مبقتش اتصدم غير مثلا في أخ أو أخت، وأن أخويا من لحمي من دمي يعمل معايا حاجة كبيرة انما كصاحب لا مفيش الكلام ده".
رسالة لتامر حسني
ووجه شاكوش رسالة للفنان تامر حسني، قائلا: "شبهنا وابن بلد وجايبها من تحت وبيجامل طوب الأرض وبيراضي الدنيا كلها علشان كده هيفضل نجم، ورامي صبري برضه، والناس دي عمرها ما تقع ومش بتروح عليها بالعكس بتزيد وبتعلى أكتر من كده، وطالما ربنا شاور عليه أنه ينجح أنسى يقع، ولو معاك جيش وعاوز توقعه عمرك ما هتوقعه لأن هو معاه ربنا زي ما إحنا معاه ربنا".
واستنكر شاكوش عدم حضور بعض المذيعين ممن دعاهم لحضور حفل زفافه، ورغبتهم بعد انتهاء الزفاف للظهور معه في حلقة بسبب تصدره "الترند"، حيث تواصل بعضهم مع إدارة اعماله، ليصفهم "بالهبلان". وأكد عدم تواجده في برنامج مقالب رامز هذا العام: "أنا وحمو بيكا مش موجودين في رامز السنادي.. احنا خلاص أكلنا وش الطبق".
زواج شاكوش
يذكر أن حسن شاكوش احتفل بزواجه من شابة من خارج الوسط الفني تُدعى ريم طارق في 11 مارس/آذار الحالي. وأقيم حفل الزفاف بمشاركة عدد من النجوم أبرزهم: تامر حسني، ورامي صبري، ومصطفى قمر، الذين أشعلوا الأجواء بباقة من أجمل أغانيهم. التفاصيل في موقع فرفش بلس هنا: فيديو وصور زفاف حسن شاكوش: تامر حسني أشعل الحفل والعروس سجدت فرحا بالزواج وهنا: فيديو وصور: خطوبة حسن شاكوش بحضور عمر كمال ورقص وغناء على بنت الجيران
تعليقات الزوار | اضف تعليق
