رد ت الفنانة المصرية سمية الخشاب على تكرار شائعات زواجها سراً من زملائها النجوم، كان آخرها شائعة زواجها من الفنان محمد رمضان أثناء مشاركتها في مسلسل "موسى". وقالت الخشاب إنها "ست جميلة ولذيذة ودمي شربات ولازم تطلع عليا إشاعات طوال الوقت ده عادي".
كما وصفت شائعة زوجها من فنان المهرجانات عمر كمال بعد إطلاقهما أغنية ";ديو" بعنوان "أوعدك"، بأنها "تافهة"، مشيرة إلى أن "شروطي للجواز يبقى طيب ولطيف وغني وكريم ويكون مش بيشوف غيري يعني أعمى". لكن الخشاب عادت وأكدت أنها لن تكرر تجربة الزواج مرة أخرى، وعلقت قائلة خلال حديثها عبر برنامج "حبر سري": "أنا مش عايزة أتجوز تاني، أنا كدة ملكة، وبالنسبة لي الزواج نظام اجتماعي فاشل، ومش بفكر في اللي فات وأنا عايشة الحاضر".
وأجابت الفنانة سمية الخشاب، عن سؤال: "هل تقبلين الزواج من رجل متزوج؟": "أبدا والزواج دا بيفشل، وأنا عمري ما كنت زوجة تانية بيكونوا مطلقين وبعدين أتجوزهم، وشوفنا تجارب كثيرة يتزوجوا ويعودوا إلى زوجاتهم الأصليات مجدداً".
في سياق آخر؛ عبرت سمية الخشاب عن صدمتها بظهور الفنانة المصرية شيرين عبد الوهاب حليقة الرأس، بعد انفصالها عن الفنان حسام حبيب، وقالت: "لما شفت شيرين شايلة شعرها، أنا اتصدمت، وقعدت أسأل نفسي، الست زمان لما كانت تحلق شعرها كده أو تقصه، كان بكون جوزها مات في الحرب حزناً عليه".
وأضافت: "التصرف له أكثر من تفسير نفسي، ممكن تكون عايزة تنتهي من حياة هي تعبت منها وسببتلها مشاكل والحياة دي بالنسبالها خلاص في طي النسيان عايزة تنتهي منها، وده رد فعل طبيعي انها تتخلص من شعرها.. أو يمكن يكون لخبطة أو رد فعل نفسي مش عارفة رايحة فين، وممكن يكون إندفاع، وفي كل الأحوال مفيش حد يستاهل انك تتخلي عن شعرك، لكن شيرين جميلة، واحنا بنعشقها، وأنا متأكدة إنها هتتخطي التجربة".
تعليقات الزوار | اضف تعليق
