تعرضت في الايام الاخيرة الماضية لمشكلة غريبة من نوعها، مع إنا بنعيش في زمن بطل فيه اشي مستغرب قد ما شفنا وعفنا. هذه المشكلة تمثلت في انها بنتي ابنة التسعة اعوام، اخبرتني ان رفيقتها بنت الجيران، اقترحت عليها انها تفوت على موقع الكتروني معين عشان تشوف هناك صور غير اخلاقية مثيرة.
لما سمعت هذا الكلام من بنتي صرت ارتجف واستولت علي حالة من الغضب والتشتت.. شو هذا اللي بصير؟ معقول انها بنت في مثل عمر بنتي (9 سنوات)، تقترح عليها مثل هذا الاقتراح؟ لوين وصلنا احنا العرب، المعروفين بمحافظتنا وتقاليدنا العريقة بالحفاظ على الشرف والعرض؟ ولوين وصل عالمنا؟
.jpg "صورة رقم 1 - ابنة الجيران اقترحت على ابنتي مشاهدة صور غير اخلاقية مثيرة.. شو اعمل؟")
بعد ما رقت شوي طلبت من بنتي انها متردش على هذه البنت/ رفيقتها، لانه الحكي اللي حكتلها اياه حكي فاضي.. وحاولت اني انسى الحكي اللي اسمعته من بنتي.. لكني مقدرتش.. وهيك لاقيت حالي قدام مشكلة عويصة.. وعدد كبير من الاسئلة اهمها شو ممكن اعمل كرمال امنع الخطر اللي بتهدد بنتي الصغيرة ومن مين؟ من رفيقتها في الحارة والمدرسة. لما اتعقدت معي المشكلة بهذا الشكل قررت كتابتها وارسالها لموقع فرفش.. بلكي لاقيت التعقيب والراي السديد.. وهاي انا ببعث مشكلتي مع بنتي على امل اني الاقي الاجابة المريحة من اخواني واخواتي القراء.
بانتظار ردودكم ارجو لكم كل خير وسلام.
.jpg "صورة رقم 2 - ابنة الجيران اقترحت على ابنتي مشاهدة صور غير اخلاقية مثيرة.. شو اعمل؟")
ملاحظة: الصور للتوضيح فقط.
