فاجأ المطرب عمرو دياب جمهوره بطرح أغنيته الجديدة مقدرش عالنسيان التي لاقت نجاحا هائلا خلال ساعات وتصدر الهضبة تريند الأكثر مشاهدة بعد ساعات من طرحها. وتجاوزت الأغنية 4 ملايين مشاهدة خلال يومين فقط. أغنية مقدرش عالنسيان من ألحان عمرو مصطفى، وتأليف تركي آل شيخ في ثامن تعاون له مع الهضبة، بعد أجمل عيون (برج الحوت)، أحلى حاجة، هدد، كل حياتي، ملاك الحسن، يا ساحر، بحبك أنا. وتقول كلمات الأغنية:
مقدرش عالنسيان ولو طال الزمن.
دايما على بالي وعمري ما نسيت.
ياما قاللي إحساسي هنرجع في أمل.
وبقلبي غنتلك وفي دروبك مشيت.
أنا لسه عايش ليك وقلبي ليك بيحن.
وكام ليلة من لهفة أشواقي ناديت.
إزاي حبيبي أنساك ومن غيرك أحن.
عايش على الذكرى وعمري ما نسيت.
ارجعلي زي زمان مفيش وقت لزعل.
أيامنا وحشاني إرجع مستني إيه؟
قوللي أعمل إيه تاني أكتر م اللي اتعمل؟
بعدك على عيني ومش قادر عليه.
عمرو دياب - مقدرش عالنسيان
وقد انهالت تعليقات الاعجاب بالأغنية والاشادة بالفنان العالمي عمرو دياب واخترنا لكم في موقع فرفش بلس بعضها..
- تحية للأسطورة عمرو دياب من المغرب. أنت حقيقة فنان رائع اتبعك من 20 سنة وانا عمري كان 12 سنة شكرا للهضبة?.
- بيحصلي حالة حب وتخيلات لما بسمعك مع اني سنجل.. جيش الهضبة.
- عمرو دياب ، طفولتنا معاه ، مراهقتنا معاه ، شبابنا معاه ، وشكلنا رح نعجز بالعمر معاه ويبقى هضبة?.
- عمرو دياب صعد علي القمة وخد السلم معاااه.
- احبك كثير يا عمرو دياب.. من باكستان.
- أجيال واجيال مش راح تنساك ولا تنسى صوتك.. الهضبة والاسطورة الغنائية... تحية ليك من الجزائر?.
- صوتك لا يتغير منذ كنت طفلا في التسعينات إلى اليوم و أنا بعمر 29 سنة تقريبا.
- الله عليك يا هضبة .. تحية من سوريا.
- صوتك يا عمرو مفيش متله.. فيه حنيه ودفا وفرحه بتروح فينا لعالم تاني.
- للأمانة هالاغنية تجنن كـ لحن وايضا كـ كلمات واداء.
- عمرو مصطفي حاجه تانيه خالص.
- انت بتغني قصة حياتي من 30 سنة وصوتك بس بيفرحني وبنسيني العذاب وبرجعني للماضي والذكريات انا كتيييير بحبك?.
- انا اتربيت ع جمااال صوته والغريب انه بيزيد جمال وتألق مع الوقت.
- صوتك بيرجعني عشرين سنه للخلف وذكريات زمان. عمري ما نسيت?.
- يا جدعان ايه دا عمرو دياب فعلا اسطورة! اللي جسمه قشعر من الموسيقي لايك?.
- هضبه اكتر من عشرين سنه وانا بسمعك ربنا يخليك لينا?.
- تحية للهضبة من السعودية?.
- مفيش مغني بعدك خلاص ،،، انت كوم تاني لوحدك?.
- عندما يغنى الهضبه يسكت الجميع روووعه?.
- هى دى الاغانى مش تقولى فيرس والاسطوره ومافيا?.
- عمرو صوته جبار مبيتغيرش كأنو اصغر بجد وااااااو.
- عمرو دياب فنان يشرف الامة العربية بإنجازاته الموسيقية واستمراريته وذكائه...
- يحيى شعب مصر العظيم من سوريا?.
- طالما الاغنيه من تلحين عمرو مصطفي وغناء عمرو دياب لازم تبقي خياااااااال.
- زي ما انت يا هضبه نمبر وان طول عمرك وبلا منازع?.
- أعظم فنان في الوطن العربي كله والله العظيم.
- معنديش كلام اقوله اوصف بيه احساسى لما بسمع صوتك بصراحة?.
- يوجد 5 الاف مريض نفسي عاملين ديسلايك نحن جمهور عمرو دياب نقول لكم من غبائكم استفدنا شكرا لكم?.
- ياااه بجد صوتك والموزيك بتاعت الاغنية تاخد اللي بيسمعها لعالم تااني يا هضبة.
- الله عليها الأغنية دي زى اغانى زماان بتاعته بجد حلوة اوى?.
- الهضبة تاريخ لازم ندرسوووو بالمدارس :)?
- عمرو دياب صنع القمه وتربع علي عرش الاغنيه في مصر والوطن العربي وهذا هو الصعب وقادر يحافظ علي صوته وشكله.. الهضبه والكينج فخر للمصريين?.
- اللحن جامد جدا ...الله عليك يا هضبه.
تعليقات الزوار | اضف تعليق
