امسية الامس: فراس وليتـو
•الوضع الأقتصادي خانق؟
مش مهم
•الحرب على الأبواب؟
اي صرلنا 100 سنة على هالحال
•وضع المسرح صعب؟
بتهون
•ما في انتاج مسرحي؟
بصير في..
•طيب كيف؟
ها ها, هادا هو السؤال المهم," كيف ؟"..أنا بقلّك : هيّي "كيف" بتيجي لحالها, المهم ما نكتّف ايدينا ونحط رجل على رجل ونستنّى, نبدا في شي صغير وساعتها التغيير بيجي لحالو..
•آ..ها..وشو يعني شي صغير؟
يعني امسية من هون, قعدة من هون..المهم المسرح يبقى مفتوح..يعني بالعربي يكون عليه أجر..لأنوا المسرح يا عيوني أكتر من محل عروض..المسرح بيت لجميع الفنانين..
•والجمهور؟
وللجمهور كمان..عشان هيك الليلة في امسية أرتجالات مفتوحة لكل المعنيين؟
•كيف يعني؟
يعني اللي بدّو يغني او يمثل او يرقص او يطرح ارضا موضوع للنقاش او يعمل ايا شي قدام جمهور وما كان له فرصة لحد الآن, ايهاب ورومل من كافيتيريا الميدان راح يعطو الفرصة.
•يعني أيّا شي أيا شي؟
بحدود المعقول يا حبيبي..
•واللة شي حلو..وين ووينتا؟
الليلة الساعة تسعة في كافيتيريا مسرح الميدان في حيفا, في مغدال هنفيئيم, يعني "الشّيكيم" بالعربي!
•طيب..انا جاي
Ok..لكان بمرق عليك الساعة تمانية, باخدك, بنجيب سمر وبنروح مع بعض, اعطيني نمرتها, بدي احكي معها؟
•ما بنفع أعطيك النمرة على الأنترنت..عيب...خلص انا بحاكيها...سلام
تنساش ها..الليلة! باي
